媽咪姐手帳甄子丹㷫爆金城武2011年08月05日

嘩，大哥啊，我已經道歉了，還擺甚麼臭臉啊？（設計對白）講夠沒有？現在是電影首映會，不是緋聞解畫會呀？（設計對白）台灣《壹週刊》圖片


喺首映會上面，無論影合照（圖），抑或接受訪問，甄子丹都不單以背脊得住金城武，更全程黑面兼藐嘴。

電影《武俠》上畫前，主角之一嘅金城武突然爆出有新歡女友「禮物妹」。講真，藝人有緋聞本來係輕鬆平常，但因為呢個係一向生活神秘、性向撲朔迷離嘅金城武，於是就成為新聞中嘅新聞嘞。因為咁，電影《武俠》去到邊做宣傳，傳媒都係八卦佢緋聞多過關心部戲。

話說早前電影喺台灣開首映記者會時，記者又係將焦點集中喺金城武緋聞上面，電影記招變咗「金城武緋聞解畫會」。甄子丹唔㷫就假咯。其實使乜㷫呀，橫豎有八部片等住你埋位，咪當休息吓囉。

  話晒係「宇宙最強」，心胸廣啲啦，況且緋聞對金城武嚟講彌足珍貴，咪當幫電影做宣傳囉！